#КыргызстанАкыйкаты

МОНГОЛИЯЛЫК БАШКЫ АШПОЗЧУ «КӨЧМӨНДӨРДҮН ДҮЙНӨЛҮК АШКАНАСЫ — 2026» СЫНАГЫНЫН ЖЕҢҮҮЧҮСҮ БОЛДУ

Монголиялык башкы ашпозчу Гонгоржав Адилбиш «Көчмөндөрдүн дүйнөлүк ашканасы — 2026» эл аралык гастрономиялык сынагында баш байгени жеңип алды.

Ашпозчулардын таймашы 1–5-сентябрь күндөрү VI Дүйнөлүк көчмөндөр оюндарынын алкагында Кырчын жайлоосунда өттү. Баш байге үчүн дүйнөнүн 15 өлкөсүнөн келген тажрыйбалуу башкы ашпозчулар күч сынашты.

Сынактын жыйынтыгында финалга Түркия, Монголия, Өзбекстан, Казакстан жана Азербайжандын өкүлдөрү чыкты.

Калыстар тобунун чечими менен монголиялык ашпозчу Гонгоржав Адилбиш сынактын мыкты катышуучусу деп табылып, жеңишке жетишти.

Кыргызстандын намысын эл аралык таймашта башкы ашпозчу Акбар Асылбеков коргоду.

«Көчмөндөрдүн дүйнөлүк ашканасы — 2026» сынагы Дүйнөлүк көчмөндөр оюндарынын алкагындагы маанилүү гастрономиялык иш-чаралардын бири болуп, анда катышуучулар өз өлкөлөрүнүн улуттук тамак-аштарын, байыркы ашкана маданиятын жана муундан муунга өтүп келе жаткан салттуу тамак жасоо өнөрүн тартуулашты.

Бул сынак көчмөн элдердин маданий мурасын даам аркылуу таанытып, улуттук ашканалардын өзгөчөлүгүн дүйнөгө көрсөтүүгө өбөлгө түзгөн өзгөчө аянтча болду.
*****
#ҚирғизистонҲақиқати
Монголиялик бош ошпаз Гонгоржав Адилбиш «Кўчманчиларнинг жаҳон таомлари – 2026» халқаро гастрономик танловида ғолиб бўлди.

Мусобақа 1–5 сентябрь кунлари VI Жаҳон кўчманчилар ўйинлари доирасида Қирчин дарасида бўлиб ўтди. Ғолиблик учун 15 мамлакатдан келган бош ошпазлар баҳслашдилар.

Финалга Туркия, Монголия, Ўзбекистон, Қозоғистон ва Озарбайжон вакиллари йўл олдилар.

Танлов якунларига кўра, Монголия вакили Гонгоржав Адилбиш энг яхши иштирокчи деб топилди.

Мусобақада Қирғизистон номидан бош ошпаз Акбар Асылбеков иштирок этди.

«Кўчманчиларнинг жаҳон таомлари» кўчманчилар ўйинларининг гастрономик майдонларидан бирига айланиб, унда иштирокчилар ўз мамлакатларининг миллий таомлари ва ошпазлик анъаналарини намойиш этдилар.