📢 «Туркия – Қирғизистон турк кино кунлари» Бишкекда ўтказилади

2025 йил 4–8 сентябрь кунлари Бишкек шаҳрида Туркия ва Қирғизистон ўртасида маданий алоқаларни мустаҳкамлаш ҳамда турк кинематографиясини кенг тарғиб қилиш мақсадида «Туркия–Қирғизистон турк кино кунлари» тадбири ўтказилади.

Ушбу маданий тадбир Туркия Республикаси Маданият ва туризм вазирлиги ҳамда Қирғиз Республикаси Маданият, ахборот ва ёшлар сиёсати вазирлигининг қўллаб-қувватлаши билан Кинематография департаменти, Туркиянинг Бишкекдаги элчихонаси ва «Йерли Дўшунже» жамоат фонди томонидан ташкил этилмоқда.

🎬 Тадбир доирасида турк кино санъатининг етакчи вакиллари Бишкек шаҳрига ташриф буюрадилар. 4 сентябрь куни бўлиб ўтадиган қизил йўлакча маросимида машҳур турк актрисалари — Дамла Сёнмез, Йилдиз Чагри Атиксой, Эжем Сена Байир ва Дуйгу Мержан, шунингдек, машҳур актёрлар Бариж Килич ва Анил Алтан махсус меҳмон сифатида иштирок этадилар.

👉 Шу билан бирга, намойиш этиладиган фильмларнинг режиссёр ва продюсерлари билан учрашувлар ҳам ташкил қилинади.

✨ Тантанали очилиш маросимида эса томошабинлар Туркиянинг 2025 йилдаги «Оскар» мукофотига кўрсатилган фильми — «Ҳамманинг ўлган кунларидан бири» асари намойишини томоша қилиш имкониятига эга бўладилар. Фильм режиссёри ва бош қаҳрамони Мурат Фыратўғли ҳам тадбирда иштирок этиб, томошабинлар билан суҳбат қуради.