Бишкекте ШКУнун алкагында инвестициялык кызматташтыкты өнүктүрүү үчүн аянтча болгон SCO Business & Industry Expo Kyrgyzstan 2026 эл аралык көргөзмөсү өтүүдө
Бүгүн Бишкек шаарындагы «Жаштык Арена» спорттук-концерттик комплексинде Кыргыз Республикасынын Шанхай кызматташтык уюмундагы төрагалыгынын алкагында SCO Business & Industry Expo Kyrgyzstan 2026 эл аралык көргөзмөсү өтүүдө.
Иш-чарага Кыргыз Республикасынын Министрлер Кабинетинин Төрагасынын биринчи орун басары Данияр Амангелдиев катышууда.
SCO Business & Industry Expo Kyrgyzstan 2026 Шанхай кызматташтык уюмуна мүчө мамлекеттердин кызматташтыгынын алкагындагы негизги ишкердик аянтчалардын бири болуп саналат. Көргөзмө бизнес өкүлдөрүн, инвесторлорду, мамлекеттик түзүмдөрдү, соода-өнөр жай палаталарын жана ШКУга мүчө мамлекеттердин расмий делегацияларын бириктирүүдө.
Көргөзмө Кыргыз Республикасынын инвестициялык потенциалын жана экономиканын ар түрдүү тармактарында биргелешкен долбоорлорду ишке ашыруу мүмкүнчүлүктөрүн көрсөтүүгө багытталган. Иш-чарага курулуш, тоо-кен өнөр жайы, текстиль, каржы, банк, медицина, кол өнөрчүлүк жана башка тармактардын өкүлдөрүнөн турган 40тан ашуун ата мекендик компания катышууда.
Кыргыз Республикасынын Президентине караштуу Инвестициялар боюнча улуттук агенттиктин башчысы Равшанбек Сабиров Кыргыз Республикасынын ШКУдагы төрагалыгынын алкагында өткөрүлүп жаткан көргөзмө инвестициялык байланыштарды чыңдоого жана бизнес өкүлдөрү менен потенциалдуу инвесторлордун ортосундагы өз ара аракеттенүүнү кеңейтүүгө өбөлгө түзөрүн белгиледи.
«Бүгүн Кыргыз Республикасы жаңы инвестициялык өнөктөштүктөр үчүн ачык жана инвесторлорго биргелешкен долбоорлорду ишке ашыруу үчүн келечектүү багыттарды сунуштоого даяр. SCO Business & Industry Expo Kyrgyzstan 2026 сыяктуу эл аралык аянтчалар өлкөнүн инвестициялык мүмкүнчүлүктөрүн таанытууга, бизнес, мамлекеттик институттар жана чет өлкөлүк өнөктөштөр ортосунда түз диалог түзүүгө, ошондой эле жаңы инвестицияларды тартуу үчүн шарттарды түзүүгө мүмкүндүк берет», — деп белгиледи Равшанбек Сабиров.
Көргөзмөнүн алкагында катышуучулар ар түрдүү тармактардын мүмкүнчүлүктөрү менен таанышып, кызматташуунун келечектүү багыттарын талкуулап, биргелешкен инвестициялык долбоорлорду ишке ашыруунун мүмкүнчүлүктөрүн карап чыгууда.
SCO Business & Industry Expo Kyrgyzstan 2026 ишкердик байланыштарды өнүктүрүүгө, Кыргыз Республикасынын инвестициялык потенциалын илгерилетүүгө жана ШКУ өлкөлөрүнүн ортосундагы эл аралык кызматташтык үчүн жаңы мүмкүнчүлүктөрдү түзүүгө багытталган.
#ҚирғизистонҲақиқати
Бугун Бишкек шаҳридаги «Ёшлик Аренаси» спорт-концерт мажмуасида Қирғиз Республикасининг Шанхай ҳамкорлик ташкилотидаги раислиги доирасида SCO Business & Industry Expo Kyrgyzstan 2026 халқаро кўргазмаси бўлиб ўтмоқда.

Мазкур нуфузли тадбир ШҲТга аъзо давлатлар ўртасидаги иқтисодий ва инвестициявий ҳамкорликни мустаҳкамлаш, ишбилармонлик алоқаларини кенгайтириш ҳамда саноат соҳасидаги истиқболли лойиҳаларни намойиш этиш учун муҳим мулоқот майдони бўлиб хизмат қилмоқда.
#akiykatkg
#НАИ #ҚРПҲМА #ҚирғизистонИнвестициялари #Қирғизистон #InvestKyrgyzstan #InvestmentKG #ХалқароҲамкорлик #ҚРИқтисодиёти
#КыргызстанАкыйкаты
*****
Сегодня в городе Бишкек, в спортивно-концертном комплексе «Жаштык Арена», в рамках председательства Кыргызской Республики в Шанхайской организации сотрудничества проходит международная выставка SCO Business & Industry Expo Kyrgyzstan 2026.
***********************
#РеспубиканскаяУзбекскаяПресса
#НАИ #НАИПКР #ИнвестицииКР #Кыргызстан #InvestKyrgyzstan #InvestmentKG #МеждународноеСотрудничество #ЭкономикаКР