Материалы за 22.11.2026 » Ақийқат.KG

Шеърият гулшани

Онажон

Йўлимни тополмай адашиб гоҳо,
Қолсам ёнингизга ошиқдим она.
Кафтлари орасида минг битта дуо,
Соғинчлар ишончи, афсуни манда!!

Ифтихор туйғуси қалбда барқ урар,
Меҳрингиз соғиниб, учиб бораман.
Чопаман мушк анбар исини туйиб,
Ичимдаги дардимни сизга ёраман.


Атрофимда гирёним сиз онажон
Меҳридарё бир туғённи кўраман.
Пойингизга бош қўяман жаннатим,
Меҳрингизга жавоб берса қудратим!!!!

Дунёда бор экан онамдек бир фидо,
Меҳрини қалбимга этажакман жо.
Ошноман, ҳамиша сабру бардошга,
Онамга ҳаёт бер,эй қодир худо!!!


Аёлга бахт беринг

Меҳр беринг аёл аҳлига,
Шоду-хуррам, ўйнаб яшасин.
Кўз тегмасин асло бахтига,
Мухаббатда гулдек яшнасин!

Қаҳрингизни бўрони ёмон,
Аёл кўнгли озор топмасин.
Кетманг, асло хиёнат томон,
Аёл асло кўз ёш тўкмасин!!

Меҳрингизни жойланг кўксига,
Озорлардан узоқ яшасин.
Яшанг, жаннат умр йўлида,
Дунё гўзал йўлга бошласин!!


Гўзал Ўзбекистоним

Оллоҳ назар солган бўстоним,
Дилдан ёзай,шеър-у, достоним.
Мен учун қадрли, нурли ошёним,
Гўзал Ватаним Ўзбекистоним !!

Донғи кетган, оламга бу диёр,
Буюк алломалар етказган диёр.
Юрагимдан кўп айтаман алёр,
Гўзал Ватаним Ўзбекистоним.

Жуда жаннат гўзал боғларинг,
Салобатли, кўркам тоғларинг.
Манглайида толе битганим,
Шундай маскан азиз Ватаним!!

Темурини етти иқлим билган
Шуҳрати ила кўксини керган,
Оламга Алпомиш, ботирлар берган
Истиқлол маёғин қўлда тутган.

Мен учун шарафли Ўзбекистоним!

Фарангиз Хидирова

Батафсил ўқиш



Ижтимоий тармоқда баҳам кўринг...

Шеърият гулшани

ЎЗБЕГИМ ҚИЗЛАРИ

Шарму ҳаё, ибо мужассам,
Доим кулиб турар кўзлари.
Кийишади атлас, беқасам,
Ўзбегимнинг гўзал қизлари.

Қўллари гул, тиллари асал,
Ифор сочар босган излари.
Беллашувда ғолибдир ҳар гал,
Ўзбегимнинг сулув қизлари.

Сочларини қирқта ўрарлар,
Қошларига ўсма қўярлар.
Ватанини жондан суярлар,
Ўзбегимнинг лобар қизлари.

Мудом сизга омад бўлсин ёр,
Чирой очинг, бамисол баҳор.
Мадҳингизга шеър битай бедор,
Ўзбегимнинг дилбар қизлари.

ВАТАН

Бу Ватан муқаддас, бу Ватан азиз,
Тупроғинг эъзозлаб кўзга суртамиз.
Сени таърифингга тополмайин сўз,
Бу гўзал Ватанга шеърлар битамиз.

Сен учун жон берганлар қанча,
Юртим деб яшайди дунёда барча.
Амир Темур, Мирзо Улуғбек,
Алишер Навоий, Бобур Мирзодек.

Увайсий, Нодира, Тўмарис сингари,
Халқим деб, элим деб яшаган бари.
Ватаннинг қадрига етинг доимо,
Биз учун яралган асли бу дунё.

ҚОРАТЕПАМДА

Қалби мисоли дарё, кўнгли кенг осмон,
Шоирлар тилида айтайлик достон.
Ҳунарга, билимга берайлик имкон,
Қўллари гул қизлар Қоратепамда.

Шеър ёзади сўзлар маржонин,
Майдонда қизлар меҳнат жавлонин.
Турфа олтинлардан бахтнинг хирмонин,
Зулфиядек шоиралар Қоратепамда.

Бири Тўмарису, бири Гулойим,
Феъллари ипакдек, сўзи мулойим.
Бахтимизга омон бўлсин, илоҳим,
Кўнгли обод қизлар Қоратепамда.

БОЛАЛИГИМ

Болалигим, қайга кетдинг мени ташлаб,
Менинг маъюс кўзларимни бугун ёшлаб.
Сен қайдасан, сени кутиб интизор ман,
Бугун мана сенинг йўлингда зор ман.

Қани энди қайтса ўша болалик,
Адирлари гулга тўлган, лолалик.
Дил дафтарга битдим бугун тўртликлар,
Юракларда қолди ўша битиклар.

Қолиб кетган ишлар ҳали бор эди,
Болаликда шодликлар бисёр эди.
У кунларда дунё бизга кенг эди,
Кунлар тунга, тунлар кунга тенг эди.

ОНАЖОН

Жаннат ҳидли райҳоним, онам,
Менинг жону жаҳоним, онам.
Сиз борсиз-ку, йўқ асло ғамим,
Меҳрибоним, ўзингиз ягонам.

Сочингизга оқлар тушибди,
Биз деб ўйлаб қайғурган сизсиз.
Қўлларингиз қадоқ бўлибди,
Сира тинмай югурган сизсиз.

Суянчиғим, ғамхўрим, онам,
Кўз гавҳарим, нуримсиз, онам.
Сирдошимсиз, меҳрибонигина,
Дилдошимсиз, онажонигинам.

Фарзандларнинг ҳузурин кўринг,
Энди сиз ҳам давронлар суринг.
Отам билан сиз қўшша қариб,
Бахтимизга доим соғ бўлинг.

❤️❤️❤️❤️❤️❤️❤️❤️❤️❤️

Назира Пирмуҳаммедова

Батафсил ўқиш



Ижтимоий тармоқда баҳам кўринг...

Яндекс.Метрика
Cайт "Clicks.KG" Реклама Агентлиги
томонидан ишлаб чиқилган.